Anda di sini

Anang enda ransing ngerebut peluang ke bisi ayan

Advertisement

Mayuh program bisi diatur awakka rayat menua pesisir nitihka singkang pemansang di mengeri

SERIAN: Menteri Pemansang Infrastruktur enggau Penyambung, Dato Sri Micheal Manyin Jawong ngelalau rayat ba menua pesisir ransing agi ngereja pengawa awakka setipak enggau pemansang ba kandang mengeri.

Kelimpah ari nya, ku iya kita (rayat) patut mupuk besemekih nyikap diri ari diatu dikena nyapai status menua maju maya taun 2020 ke semina tinggal enam taun ari diatu.

“Agi tubah pekara ke deka digaga kitai enggau lebih ransing laban kitai nadai jalai bukai dikena nyapai juluk nya.

“Sekalika kitai rindu tauka enda, pekara nya tetap ditapi, nya alai kitai patut nyikap diri bepun ari diatu.

“Aku enggau bala  menteri bukai dalam perintah benung ngereja pengawa enggau naka ulih dikena nulung rayat menua pesisir ngemanahka tikas pengidup sida enggau chara ngatur mayuh program sereta peluang,” ku iya.

Iya mega madah, rayat menua pesisir patut ngerebut peluang ke bisi diayanka perintah laban sida agi jauh tinggal enti dibanding enggau sekeda nengeri bukai di Semenanjung.

“Bandingka Kuala Lumpur enggau sekeda mengeri besai ke bukai di serata dunya baka New York, London tauka Tokyo, nadai jauh bida entara sida laban nama utai ke bisi di mengeri maju tidak ada perbezaan di antara tersebut kerana apa yang ada di bandar maju sama bisi di Kuala Lumpur.

“Tang enti kitai mandingka kitai enggau Kuala Lumpur, tampak amat kitai jauh tinggal di belakang. Nama utai ke dipeda kitai di Kuala Lumpur nadai dipeda kitai diatu,” ku iya.

Manyin ti mega Kaban Kunsil Nengeri (ADUN) Tebedu madah munyi nya rambau Pengerami Bejadi Projek Nanam Baru Paung Getah diatur Opis Penguasa Pemansang Pekebun Mit Getah (RISDA) di Kampung Koran Empaneg, ditu kena hari Enam minggu ke udah.

Nangkan ke nya, ku iya perintah udah nguji ngerapitka takah pemansang ba menua pesisir enggau ba kandang nengeri.

Ba pengerami nya, Manyin meri terima kasih ngagai 160 iku peranak Koran Empaneg laban sanggup ngemansangka Tanah Adat (NCR) endur ngemujurka pengawa nanam paung getah asil ari bantu RISDA.

Dulu ari nya, Manyin madah, perintah nengah RISDA, ngungkupka kira RM1.9 juta dikena ngemansangka tanah NCR penyampau 142.323 pemesai di Kampung Koran Empaneg ungkup projek nya.

Advertisement