Anda di sini

Naka Sept 2014 APMM mujur nangkap 59 macham pengawa enda beradat

Advertisement

KUCHING: Pemujur Ejensi Peneritadat Maritim Malaysia (APMM) Kandang Tasik Sarawak nangkap kapal tauka bot ti ngereja pengawa enggau enda beradat nyentuk ke diatu bisi 59 kes.

Nitih ripot, naka 9 September taun tu, Maritim Pelilih Menua Kuching ngerikod ke pengabis besai, iya nya 31 kes, lalu ditangkanka Miri 23 kes sereta Bintulu 5 kes.

Pemayuh kapal tauka bot kena tangkap di Kandang Tasik Sarawak (WILSAR) nithka bulan taun tu, bulan April ngerikod pengabis besai, iya nya 17 kes.

Pemayuh kes maritim taun tu, iya nya Jan (1), Feb (3), Mac (7), Apr (17), Mei (8), Jun (2), Julai (7), Ogos (12) enggau Sept (2).

Enti nitihka taun, pemayuh kes ke udah kena tangkap di WILSAR, 2006 (9), 2007 (42), 2008 (72), 2009 (136), 2010 (188), 2011 (117), 2012 (103), 2013 (44) enggau 2014 naka kediatu (59).

Kelimpah ari nya, pengawa Maritim bukai mungkur penusah ke bisi nyadi di tasik ari bot tauka kapal karam datai ngagai bantu MEDEVAC.

Dalam taun tu aja, urung 17 penusah ke bisi nyadi di ripot di Maritim WILSAR, iya nya Karam (2), (Nadai temu penunga/Lenyau) (1), Orang Labuh ke Tasik (4), ‘Distress Alarm’ (3), Kapal tauka Bot rusak (3), Kena Rumpak tauka kena Rampas di Tasik (2) enggau Bantu MEDEVAC (2).

Wakil Maritim Pelilih Menua Kuching madah, baka ngenyit, pengawa Maritim, iya nya ngambi orang ke kena penusah di tasik lalu dibai ke sepital, ke dikumbai sida iya MEDEVAC tauka “Medical Evacuation”.

Iya madah, enti di semenanjung, udah bisi perengka guna ngambi orang ke kena penusah nya ngena bilun engkabang tang naka ke diatu di Sarawak nadai penyikap nya.

“Di Sarawak nadai perengka baka bilun engkabang dikena ngesah penusah di tasik. Kami semina ngambi orang ke kena penusah di tasik ngena kapal tauka bot Maritim aja.

“Naka ke diatu, kami udah mansik endur ngaga perengka ngena bilun engkabang tang lalu nadai kelai perambu nya deka dipejalai. MEDEVAC tu tau ngena bilun engkabang tauka kapal nyelamat orang ke kena tinggang penusah ngenyit di tasik,” ku iya.

Advertisement