Anda di sini

Bantu injin penungku ngemuntang pengawa

Advertisement

Dikarang Judan Bungap //

Rh Rose Mat ari Batu Burak, Rh Ali Jampi, Rh Ukar Senin ari Nanga Tutus diungkupka perengka dikena nungku

SIBU: Kaban Kaunsil Nengeri (ADUN) Bawang Assan, Dato Sri Wong Soon Koh mujur nyuaka bantu injin penungku padi ngagai tiga buah rumah panjai di DUN N.47 Bawang Assan.

Rumah panjai ke nerima bantu tu iya nya Rumah Rose Mat ari Batu Burak, Rumah Ali Jampi enggau Rumah Ukar Senin ari Nanga Tutus.

Bantu tu disua ba Tai Hua Hardware Sdn Bhd, Jalai Mission ditu lalu bela dikemata Sekretari Politik Kepala Menteri Andrew Shilling.

Ku Andrew, sebuah injin nya berega RM2,900, pemeri ari ADUN Bawang Assan Dato Sri Wong Soon Koh ngagai rayat.

“Bantu tu ngemuntangka bala orang bumai nungku padi sida.

“Kelimpah ari nya, injin tu mega ulih ngenyampatka pengawa, ngurangka puku enggau pengelelak,” ku iya madah ngagai pengarang berita, kemari.

Nambahka nya, iya ngarapka bala ke nerima bantu nya ulih nyaga perengka nya enggau manah.

Advertisement