Anda di sini

Kem diatur Gerija Katolik St. Mary nya dikena ngenegapka pengarap

Advertisement

NGENEGAP PENGARAP: Nembiak ari raban Katolik begambar bebala mayuh ke tanda pengingat pengudah ngulu kem ke diatur sepemanjai tiga hari nya ba Gerija St. Mary, ditu.

KAPIT: Lebih 70 iku raban nembiak ari Gerija Katolik St. Mary bisi ngulu Kem Raban Nembiak ke diatur kena 5 nyentuk 7 September tu tadi.

Kem ke diatur sepemanjai tiga hari nya udah digulu bala raban nembiak ari tiga buah sekula sekondari ke bisi di Kapit baka SMK Kapit, SMK Selirik enggau SMK Kapit 2.

Kem Raban Nembiak ke berambaika leka jaku ‘Pour On The Salt And Turn On The Light – Mathew 5:13-14’ dikena ngelatih raban nembiak chara ngembing mensia bukai sereta chara bejaku enggau orang kelimpah ari ke ngenanka pengarap sida.

Kem ke diatur nya udah dikemujurka sida ari raban nembiak Gerija St. Mary empu ke diketuai George Koh.

Advertisement