SRI AMAN: Bisi 20 iku orang tuai ari Rumah Pengandai Tuai, Sri Aman nyereta Program Besenamke diatur Rumah Pengandai Tuai, Sri Aman begulai enggau Sepital Sri Aman ditu kemari.
Pengari ari palan nya, Tan Eng Siang madah, aktiviti besenam ke diatur nya endang aktiviti ninting minggu rumah pangandai tuai nya.
Iya madah, aktiviti besenam ke diatur pengelama dua kali seminggu nya kena Hari Satu enggau Hari Tiga lalu berengkah pukul 7 pagi.
Ku iya, nengah aktiviti ke bansa nya ulih nyaga pengerai tubuh kelimpah endur bala orang tuai ke diau ba palan nya beteleba engagu pangan diri.
Berebak enggau nya, iya mega nesau orang tuai ka kandang menua Sri Aman ke bedau kala nyereta sebarang aktiviti ke bansa nya diperansang ngerejista diri enggau lengkas awakka sida tau bulih penguntung asil ari aktiviti ke bisi diatur udah tu.
“Aku nesau bala orang tuai ngambika bela sampal enggau kami besenam tauka ngemujurka aktiviti bukai udah tu,” ku tandu iya.