BINTULU: Tabung Darah Sepital Bintulu diatu benung suntuk semua bansa darah kelebih agi darah A lalu minta bantu mensia mayuh meri darah dikena nulung raban orang ke begunaka darah.
Pemesai Perubat iya, Dr Cedric Chang madah, Tabung Darah Sepital Bintulu patut nyediaka ambis nadai 400 pain darah ke diguna ninting bulan, tambah mega mensia mayuh ke begunaka darah majak mayuh kelebih agi rambau musin pengerami.
Nya alai, mensia mayuh ke bisi ati deka meri darah ulih datai ngelawa kaunter meri darah Sepital Bintulu ke dibuka belabuh ari pukul beroperasi dari jam 8 pagi ngagai 12.30 tengah hari enggau 2 ngagai 5 lemai, Hari Satu ngagai Hari Empat ditangkan enggau Hari Lima berengkah pukul 8 ngagai 11 pagi enggau 2.15 ngagai 5 lemai.
“Sebarang tanya ulih betelefon nuju Unit Tabung Darah ngena lumur 086-255899 tauka lumur sambung 4507/4501,” ku iya.
Kelimpah ari nya, Tabung Darah Sepital Bintulu mega deka ngatur Kimpin Meri Darah ba sekeda endur ditu nyengkaum ba Pelilih Tatau.
Berengkah 9 Ogos (Sehari tu) Kelab Marina Bintulu bisi ngatur pengawa meri darah berengkah pukul 1 ngagai 5 lemai ba Tabung Darah Sepital Bintulu, Canaan Land Church enggau Polikelinik Bintulu ngatur pengawa meri darag kena 10 Ogos (Hari Minggu) berengkah pukul 1 ngagai 5 di Polikelinik, Gerempung Chin Woo di Tabung Darah Sepital Bintulu (1 ngagai 5 lemai) 16 Ogos.
Udah nya, Gerempung Clan Ying Chuan enggau Polikelinik Bintulu deka ngatur pengawa meri darah kena 17 Ogos, pukul 10 pagi ngagai 1 tengah hari ba Polikelinik Bintulu enggau Gerempung Kwong Wei Siew deka ngatur pengawa meri darah kena 23 Ogos, pukul 9 pagi ngagai 12 tengah hari ba Pasar Lama Tatau.