Anda di sini

Komiti Gerija Holy Trinity Anglikan Lambir ngatur pengerami Makai Lemai seraya ngumpul belanja

Advertisement

MIRI: Komiti Gerija Holy Trinity Anglikan Lambir deka ngatur pengerami Makai Lemai seraya ngumpul belanja ke diatur ba Mega Hotel, pukul 7 lemai kena Hari Lima tu ila.

Ku komiti gerija baru Gerija Holy Trinity Lambir, Pemancha Wilson Siang Lim, diatur kena ngumpul sereta nambahka belanja ungkup projek nya.

Ku iya projek ngaga gerija baru nya beungkus RM1.5 milliun.

“Palan nya udah dikemendarka taun seiti nyin tadi lalu pengawa nasih tanah deka dipejalaika bulan baru,” pia ku iya kemari.

Ku iya baru, ungkus kena ngaga gerija nya semina RM600,000 aja tang laban rega kena ngaga gerija nya udah niki, nya alai ungkus nya pan nambah nyengkaum rega barang ke pemadu baru diatu ti deka dikena ila.

Gerija nya muat endur urung 500 iku sekali semiang.

“Kenyau ari dua taun ke udah, komiti gerija udah kiruh kinkitu ngulihka belanja kena ngaga gerija nya.”

“Kami udah nerima sekeda geran ari perintah nengah menteri enggau pengari rayat sereta orang ti ngatika diri,” ku iya.

Bisi 70 igi mija disediaka kena ngumpul belanja maya nya ila lalu arapka belanja ke diulih nya bisi dikena nambahka duit kena bejalaika projek nya.

“Mensia mayuh diperansang sampal datai ngagai pengerami makai lemai seraya ngulihka belanja nya kelebih agi ngagai peranak menua Miri,” ku iya.

Advertisement