KUCHING: Apai indai ke enda ulih nupi anak Timpang Pendiau (OKU) dilalau ngambika madahka penanggul sida ngagai Opis Pengintu Pengelantang Pendiau Raban Bansa (JKM) ari ke menyati anak ke bansa nya.
Menteri Pemansang Orang Indu, Ruang Bilik enggau Raban Bansa Datuk Seri Rohani Abdul Karim madah, taja pan suah amat dipadah tanya ngagai JKM enti bisi betapi enggau penanggul ke bansa nya.
“Ba penemu aku ari sida nya dipenyati, diteju baka utai sengapa, enti apai indai sida amai-amai enggai nupi uji anjung ngagao kami, kami sigi nerima lalu ngengkah sida ti ba palan ke udah disediaka opis menteri ngambika dijaga enggau meruan,” ku iya.
Iya madah munyi nya ngagai pemberita lebuh dipinta meri penemu bekaul enggau kes nembiak OKU ke ditemu dikurung enggau gaya ke chukup ngenyinuka ati ba di Nilai, apin lama ke udah.
Rohani mansutka jaku nya rambau ngulu pengerami makai malam ke diatur Lembaga Pelawat Sekolah Tunas Bakti (STB) Kuching, ditu malam ensanus.
Taja pia, Rohani madah nyema apai indai nembiak OKU deka terus nyaga anak sida ke bansa taja betapi enggau penanggul, opis sida agi ulih meri banti nengah Program Pemulihan Dalam Komuniti (PDK).
“Bisi 488 buah PDK ba serata menua naka ke diatu. Baka ke udah disebut aku sebedau tu, JKM deka champur jari enti laban kitai enggai nyeraraka semua OU enggau sida sebilik lalu nya alai sida diengkah ba PDK,” ku iya. — Bernama