Anda di sini

Pemidang niang Edmund balat diasaika peminat lumba perau

Advertisement

SIBU: Ex-Mejar Dipebasa Edmund Erong Tun Jugah, 69, udah midang kena Hari Tiga tu tadi kira pukul 6.30 pagi.

Niang ditemu parai tinduk ba rumah iya di Jalai Teratai ditu. Berindik ari nya, iya ninggalka anak iya Tilletson, Connie, Jose enggau Dolly kelimpah Suzie ke udah midang enggau 11 iku uchu ke bukai.

Sehari tu (Hari Enam) niang deka disembiangka dulu ba Gerija Iban Meth­odist, Jalai Fong Ming kira pukul 7.45 pagi sebedau dikubur ba Pendam Nirvana ditu.

Niang kala gawa nyadi Police Field Force (PFF) kenyau ari umur 16 taun sebedau badu gawa ba taun 1980-an suba.

Nitihka penerang anak tuai niang, Tilletson ma­dahka, niang sebedau tu nadai kala nyebut diri sakit sebedau ditem midang pagi hari Tiga tu tadi.

“Kami enda ngadang laban ngelama tu niang endang bepengerai nadai bepen­yakit,” pia ku iya madah.

Ngenang pengidup niang sebedau tu, Tilletson madah, niang enda enggau orang be­politik tang tebilang enggau lumba perau laju kenyau ari taun 1968 suba.

Ketegal ti balat rindu ba lumba tu niang numbuhka Mahligai Racing Team ba taun 1980-an suba nyen­tukka diatu.

“Kelimpah ari nya niang chakah numbuhka mayuh bengkah program ke bekaul enggau lumba perau laju.

“Niang mega kala begulai enggau Opis Residen Lim­bang enggau Opis Penge­likun Sungai Sarawak (LSS) Limbang ngatur pekit lumba perau laju.

“Nyentuk ke diatu pekit nya diatur belama maya Pesta Limbang dua taun sekali,” ku tandu iya.

Niang enggau tim iya suah belumba ba Bintulu, Song enggau Kapit.

Ba sekeda orang lumba perau laju tu dikumbai ma­sau belanja tang ba niang ke­limpah ari pengerindu lumba nya tau bendar ngangkatka nama sesebengkah menua lalu nyaup ngangkatka da­gang temuai nengeri tu.

Ketegal pengeransing niang ba lumba perau laju betaun-taun ke udah, raban bukai ke sama pengerindu lebih agi raban Mahligai Racing Team balat ngasaika pemidang iya ti suah dikan­gau orang ‘Apai’ ba lumba tu.

 

Advertisement