Anda di sini

Komponen BN patut ngembuan pemutus ke sebaka

Advertisement

Dikarang Chris Bishop

KUCHING: Kepala Menteri Tan Sri Datuk Amar Ade­nan Satem netapka Parti Tenaga Rakyat Sarawak (Teras) patut dulu bulih pemendar ari parti bukai dalam serakup sebedau diterima nyereta Barisan Nasional (BN) Sarawak.

“BN ngembuan sebengkah atur, enti sebuah parti dalam serakup mantah, parti baru nya enda ulih diterima dalam serakup.

“Kitai dalam BN Nengeri patut ngembuan seiti pemu­tus ke sebaka,” ku iya ram­bau aum pengarang berita nyerumba 100 hari pengudah iya mangku pengawa nyadi Kepala Menteri.

Penyarut ke nyadi ba sekeda parti dalam serakup BN nengeri entara sebeng­kah pemar ke ditapi dalam timpuh 100 hari ke udah, Adenan pechaya semua nya ulih diputar dalam timpuh dua taun ke deka datai.

Sarawak deka ngadu pen­gawa bepilih nengeri pemadu laun, dalam bulan Jun 2016, iya madahka diri deka mas­uk champur enti penyarut mengkang enda diputar.

“Aku enda ulih masuk champur ba penyarut ke nyadi dalam parti SUPP, SPDP tauka Teras.

“Tang enti penyarut nya mengkang enda diputar sereta ngeruga penegap BN Sarawak, aku ke nyadi chair­man BN nengeri enggai nyadi enda masuk champur.

“Enda patut aku ngaga diri enda nemu pekara ke nyadi,”ku iya.

Nyaut tanya pemberita sentang pemutus PRS, SUPP enggau SPDP ti mantah Teras nyerata BN Sarawak, Adenan madahka iya deka ngeletak pemutus ba maya ke patut.

Iya madah udah diberi penerang sentang pengeran Teras nyereta serakup BN ke alai pekara nya mega udah dipadahka iya (Adenan) nga­gai Menteri Besai Datuk Seri Najib Tun Razak.

Ba aum pengarang berita nya mega, iya ngelempaika ngagai semua beratika pemu­jur ke udah dijapai dalam timpuh 100 hari pengudah iya nyadi Kepala Menteri.

“Timpuh 100 hari chukup pandak taja pia aku rindu mangku pengawa nyadi Kepala Menteri. Pemu­jur bedau dipeda tang se­mua nya dilempaika ngagai magang,”ku iya.

Dulu agi ari nya, iya ma­dahka Sarawak keran deka nyapai juluk nyadi menua maju ke ngembuan penatai pemisi ke besai ba taun 2020.

 

Advertisement