SARIKEI: Kaban komiti Serakup Indu Dayak Sarawak (SIDS) Pampang Sarikei kena Hari Minggu nyin tadi nemuai ke Sepital Sarikei ke alai nya sebengkah atur pengawa sida beserimbai enggau Pengerami Hari Gawai.
Chairperson SIDS Rosy Jita madah, penemuai nya diatur ngambi bekunsika pengerami Hari Gawai enggau pesakit.
Iya arap nengah penemuai nya, sida nyaup merindang ati pesakit seraya ngelempungka pemedis ti ditanggung pesakit dia.
Berebak enggau nya, sida nyuaka pemeri ngagai urung 50 pesakit ba mayuh bengkah wad dia.