Anda di sini

Chukai pintu setengah taun 2014 tau dibayar enda laun ari 31 Mei tu: MPP

Advertisement

KUCHING: Peranak menua di baruh kuasa opis Kaunsil Kandang Bandar Padawan (MPP) dilalau, timpuh mayar chukai pintu setengah taun 2014 iya nya 31 Mei tu.

Penerang berita ari MPP madah dikena ngemuntangka pengawa mayar chukai pintu, piak opis penerit adat (PBT) nya muka kaunter bebayar di Kota Padawan kena 31 Mei tu (Hari Enam) ari pukul 8 pagi nyentuk 4 lemai.

“Hari bulan kepenudi endur mayar chukai pintu setengah taun 2014 iya nya 31 Mei 2014. Nyema laun dia bungai ke dibayar iya nya satu peratus sebulan tauka sebagi ari nya.

“Pemayar chukai ti bedau nerima tauka lenyau bil chukai pintu tau ngambi salin nya ari ‘Bahagian Penilaian dan Taksiran’ MPP lalu sebarang pekara ti deka ditanya bekaul pekara tu tau telefon nengah lumur 082-615566,” ku dalam penerang berita nya.

Nitih penerang berita, bekaul chukai pintu reta tengkira, pengempu (reta tengkira) enda tau enda mayar ngagai PBT, baka MPP.

Chukai pintu ke digumpul nya dikena bejalaika pengawa ngumpul sampah, ngemanahka jalai, nebas rumput, meresi parit, lampu jalai sereta nyendiaka kereban guna mensia mayuh baka pasar, jamban, palan pengenagkah kereta enggau palan endur ngelantangka ati.

Advertisement