Anda di sini

Bepelasarka pemujur, Taib patut nerima ‘Tun’

Advertisement

Dikarang Jacqueline David

 

KUCHING: Datuk Peter Minos (gambar), seiku veteran Parti Pesaka Bumiputera Bersatu (PBB) madah, gelar Tun ti diberi Yang Dipertuan Agong Tuanku Abdul Halim Mu’adzam Shah di Balairong Seri Istana Negara, Jalai Duta, Kuala Lumpur, dua hari ke udah endanag setipak lalu patut diungkup ngagai Tuai Pemegai Menua (TYT) Tun Pehin Sri Abdul Taib Mahmud.

“Bepelasarka pemayuh pemansang ke udah diatur Taib maya nyadi Kepala Menteri sereta mangku pengawa menteri ba renggat Perintah Besai, iya endang patut nerima gelar nya.

“Peratika penapi sereta penusah ke diteresa iya lebuh mutarka semua pekara ungkup rayat Sarawak nyengkaum perambu, runding iya, sereta strategi ke diatur iya semua bisi asil magang. Ukai nyamai ngiring rayat tang taja pia, iya mujur mutarka semua pekara nya,” ku Minos lalu nambah gelar Tun nya sigi patut.

Kandang taun 1980 suba ku iya, lebuh iya belabuh mangku pengawa nyadi Kepala Menteri Sarawak, mayuh pemungkal digaga iya, nyengkaum ngiga belanja sereta pengereja pengawa ngambi ngemansangka nengeri tu.

“Menua besai baka Sarawak begunaka jalai, penyangkai kapal, penyangkai bilun, sekula sereta mayuh kereban bukai. Tanah kitai patut dikemansang sereta diberi pala, mengeri patut dikemansang, ejensi pan dibuka kena ngaga sekeda pengawa dalam industri ngambika rayat kitai teulihka pengeraja

“Semua pemungkal tu patut diputar, pekara nya mujur digaga iya,” ku Minos.

Taja pia, iya madah, Taib mega betapi enggau penanggul politik nyengkaum penyarut ke bekaul enggau ‘Ming Court Affairs’ dalam taun 1987.

“Enti iya orang biasa, nyangka enda ulih diputarka pekara nya tang Taib mujur mutarka penyarut ke nyadi nya. Iya tegap bediri sereta mujur, terima kasih ke pengelandik politik iya,” ku iya.

Berindik ari pemanah pengawa iya ekonomi Sarawak mega majak manah sereta politik nengeri mega majak tuai.

Pemansang sitak industri baka SCORE deka mai Sarawak nyingkang jauh agi ba pemansang, lalu baka nya mega ari kebun sawit bedandang besai.

Taib nerima gelar ‘Tun’ ari Yang Dipertuan Agong Tuanku Abdul Halim Mu’adzam Shah di Balairong Seri Istana Negara, Jalai Duta, Kuala Lumpur, dua hari ke udah.

Advertisement