KUCHING: Penusah ti nuntung seiku orang indu, Pedin anak Apa, iya nya balu ex-Renjer Boh anak Rejin matak runding kaban ari Serakup Soldadu Veteran Malaysia Nengeri Sarawak (PVTMS).
Kena 16 Mei tu tadi, seraban ari PVTMS nemuai ngagai rumah Pedin di Kampung Kopit, Bau ngesah penusah sida sebilik ke ditinggal laki iya ngenyit (midang) pun taun 2014 tu.
Raban PVTMS ti betuaika Sapit Ketuai Palan Servis ke mega Ketuai Biro Quap Nelson Hanif disempulang Ketuai Biro Landeh Terin anak Gasing sereta kaban bukai iya nya Henry Iran enggau Mahiden.
Sida seraban nyuaka chek bantu ari PVTMS ngagai Pedin.
Boh midang ba umur 57 taun lalu ninggalka empat iku anak ke agi besekula.