PENGGI NUAN AU?: Joanna duduk ba kerusi roda nerima pemeri ari Abg Shamsuddin (dua kanan) mantu Robert (kanan) nyuaka pemeri Gawai seraya dikemataka Josephinr (kiba) sereta Martin (tiga kanan) di Bunan Gega ditu.
SERIAN: Maya pengerami Gawai, semua ti nyambut pengawa nya deka ngasaika pengerichah tang enggi Joanna Albert, 32, bebida.
Bepun ari sebengkah penyakit, maya beumur enam bulan, iya lalu enda nemu angkat.
Ba atur pengawa ‘Sejambak Kasih Gawai Dayak JKMNS 2014’, iya nerima RM50 enggau RM30 rega hamper ti disuaka Sapit Menteri Pengintu Pengelantang Mensia Mayuh Robert Lawson Chuat lebuh bejadika pengawa nya.
Joanna seiku ari 300 penerima nyerumba Hari Gawai taun tu.
Indai iya, Josephine Nyabeh ti nyaup iya nerima pemeri nya.
Kelimpah ari nya, Joanna mega bisi nerima bantu ari JKM penyampau RM300 sebulan ti berasai ngelempungka tating belanja sida sebilik.
Laki Josephine, Albert Andrew Ruha pinchin ari soldadu lalu diatu nyadi Tuai Kampung di Bunan Gega, urung setengah jam pejalai ngena entukar ari bandar Serian.
“Lebuh laki aku pinchin gawa kami menyanak pulai ke Sarawak lalu mendam diau di Bunan Gega,” ku iya.
“Ukai muntang nyaga nembiak timpang pendiau, ulah patut siru sereta sabar.
Josephine mega madah, pengerami ngintu Gawai ukai pekara ti besai ba sida sebilik tang semina ngelepaska adat aja.
“Ukai muntang nyaga orang baka Joanna,” ku iya seraya madahka anak iya nya jenuh enti diasuh meda tv..
Bela bisi ngulu atur pebngawa nya, ADUN Kedup Martin Ben, Direktor Opis Pengintu Pengelantang Pendiau Abg Shamsuddin Abg Seruji, DO Serian Sinde Muling, Pemancha Robert Sulis Ridu.