Anda di sini

Konferens ‘Transforming Nursing’ pelasar kuing pengawa nyadi misi

Advertisement

KUCHING: ‘1st International Nursing Conference’ ke pelasar kuing bidang pengawa misi dalam pelajar tinggi ti ngemeranka pengawa pemansik enggau inovasi entara profesyenal pengerai enggau ngelakuka ‘evidence-based practise’.

Vice Chancellor Universiti Malaysia Sarawak (UNIMAS) Prof Dato Dr. Mohamad Kadim Suaidi madah, aum nya mega nyadika pelasar raban penyereta bekunsi penemu sereta nempa enggau pesereta ari anatarabansa enggau menua tu.

“Rambai jaku ‘Transforming Nursing’ ti dikena ba aum tu mansutka penemu ti nyelai penemu ti diansak ati ti deka nemu, ditarit ngagai jurai ti dinamik, lalu besedia berubah ngagai tikas baru dalam pengawa misi.

“Nengah aum tu kitai deka mantai lalu berundingka sekeda isu kemaya hari tu ti bisi kaul enggau pengawa misi nyengkaum isu ngereja pengawa tauka praktis ti belalauka bukti, pelajar tinggi pengawa misi, pengawa pemansik enggau inovasi dalam bidang pengawa misi,” ku iya.

Kadim mansutka pekara nya dalam jaku pengelalu ‘1st International Nursing Conference’ ti diatur ba sebengkah hotel sereta dipenyadika Menteri Pengintu Pengelantang Pendiau, Orang Indu enggau Pemansang Ruang Bilik Datuk Fatimah Abdullah, kemari.

Fakulti Perubat enggau Sains Pengerai UNIMAS nyadi tuai rumah aum ti diatur berengkah 22 ngagai 25 Mei sereta dibantu universiti bukai nyengkaum UKM, UM, UPM, USM, IIUM, UMS, UiTM enggau UniSZA.

Bisi 430 iku penyereta ngulu aum nya nyengkaum ari Australia, USA, Hong Kong, Singapore, Indonesia, Brunei, Filipina, India, Sri Lanka enggau Thailand kelimpah ari Malaysia.

Entara pekara ti dipejuraika ba aum nya baka ‘Transforming Nursing (Prof. Dr. Thomas Wong Kwok-Shing, Hong Kong), Leading Nursing : Developing and Progression (Prof. Siti Rabikhatun Mohd Zain – UKM); Integrating Research Into Practise’ (Proof. Dl Eleanor Holroyd -Australia) enggau ke bukai.