Anda di sini

Skim RPL dikearap ulih nyungkak pengelandik pengereja pengawa

Advertisement

KUCHING: Skim ‘Recognition of Prior Learning (RPL) sebengkah agenda nasional ke diatur Opis Menteri Pengereja Pengawa ke perambuka  Menteri Besai (PM) ngagai opis menteri nya, kena ngelatih pengereja pengawa ngambika ulih nyungkak ekonomi.

Menteri nya, Datuk Seri Richard Riot Anak Jaem madah, RPL tu sebengkah agenda nasional, enda milih penemu ke ditimbal mensia mayuh pasal program tu, iya tetap dipejalai.

Iya madah, nengah Program RPL ari baruh Lumpar Pemansang Malaysia Ke-10 (RMK10) dalam timpuh 2011-2015, ngelatih pengereja pengawa ngambika bisi rega ba makit.

“Perintah deka nambah pemayuh pengereja pengawa ke dilatih sereta bepengelandik ari penyampau 28% ngagai 30% manggai taun 2015 sereta 50% manggai 2020, kena nyapai Pemisi Ekonomi ke Besai sereta manggai menua mansang maya nya,” ku Riot.

Ku iya, penambah 5% ari 28% ngagai 33% bepelasarka penyampau 700,000 pengereja pengawa ke deka dilatih manggai 2015 tauka 3.08 juta manggai 2020.

Naka ke diatu, bisi 11 juta pengereja pengawa di menua tu lalu penyampau nya dijangka deka nambah, ku iya.

“Ari pemayuh 700,000 pengereja pengawa ke patut dilatih pengelandik manggai taun 2015, opis menteri kami diberi tanggungpengawa mantu pengawa ngelatih berengkah ari 210,000 pengereja pengawa,” ku iya.

Iya madah, kena nyapai tagit tu, sukung ari kompeni peribit, penyendia pengawa latih enggau ejensi perintah beguna endar.

Ari pemerat tu ku Riot, sebengkah komiti bisi ditumbuh, iya nya ‘National Upskilling Committee’ (NUC) dalam bulan April 2014 ngemansang, ngaga, beratika sereta mansik projek RPL ba renggat nasional.

Skop NUC ku iya, bisi bungkur ke besai nyengkaum Wang Turu Pemansang Pengereja Pengawa (HRDF).

“NUC deka nyadi ngemeratka Agenda Nasional nengah inisiatif ngelatih pengelandik baka RPL.

“Menua kitai begunaka pengabis kurang 50% pengereja pengawa ke landik enti menua tu deka nyadi menua mansang. Seiku pengereja pengawa ke landik nyerumba orang ke udah datai ba renggat Diploma, TVET Renggat 4 (tauka nyauka sebaka enggau nya) tauka tinggi agi ari nya,” ku iya.

Tauka, nitih ku Corney 2009, ngelatih penegelandik baru disema baka inisiatif kena mantu mensia mayuh ngulihka pemujur ba tikas ke tinggi agi.

“Reti nya, Ngelatih pengelandik Baru digaga kena ngemanahka agi pengelandik ke udah bisi diatu,” ku iya.

Nya alai ku iya, enggau kos tu ke diberi kelala dalam RMK10, dipunka dalam taun 2011, RPL dikerembaika enggau tuju ngelala peneleba sereta pengelandik pengereja pengawa.

Skim RPL ulih mantu ngemanahka agi prospek  pengereja pengawa ke nadai setipikit ari palan pelajar tinggi, tang bisi peneleba, penemu sereta pengelandik ba pengawa ke dikerejaa sida iya.

“Pengereja pengawa di Malaysia, orang ke bepengelandik, tang taja pia mayuh ari orang tu ke bisi peneleba betaun sereta pengelandik, nadai keretas pemujur sida iya ari IPT.

“Nya alai, skim RPL tau disema baka skim ke nyengkaum pengelandik seiku-seiku enggau peneleba sida iya lalu nyalin nya ke dalam kredit ke ngujungka sida iya bulih keretas pengelandik,” ku iya.

Kelimpah ari kerejasama eggau Opis Pemansang pengelandik (DSD) baruh opis menteri nya, HRDF mega udah dikerembaika lebuh dua buah palan pengelandik besetipikit (dalam taun 2013) nengah University of Ballarat (Australia) enggau ‘Institute Supply Chain Management’ bejalaika Skim RPL.

Kena ngemanahka agi Skim RP lalu meri kompeni, mayuh agi pilih ke orang ke gawa enggau sida iya dikelala, lalu ngangkatka Skim RPL, kerejasama bisi digaga enggau Great Britain College Consortium (nyengkaum Kolej Cardiff enggau Vale, Cornwall. North East Scotland enggau South West) mungkur empat buah menua di United Kingdom (UK).

Di Malaysia, orang ke bejalaika sekretariat kolej tu dibuka nengah BENA, iya nya sebuah palan akademik unit ba University of Malaya (UM).

Konsortium Kolej di Great Britain nya mega sebagi ari ‘Gazelle Colleges’ ke nyengkaum kolej pelajar ke benama di UK.

Baruh RPL, peneleba chalun dipilih nitihka akademik sida iya ngena kompetensi bepalanka (assessment) ke tau diberi terus ngagai Renggat ke-4 Diploma.

Ba atur pengawa nya kemari, Gerempung Hotels Malaysia (MAH) enggau kompeni SMI nyain Sepekat Pemereti Ati (MoU) enggau NUC.

Advertisement