Anda di sini

Kimpin ‘HIV/AIDS Awareness Day’ pengerawang pemereti raban nembiak ba penyakit nya: Kenzo

Advertisement

KUCHING: Kimpin endur nerang ngagai mensia mayuh pasal penyakit ‘HIV/AIDS, sebengkah penyakit ke tau munuh nyadi pemerat lebih agi ba rebak nembiak diatu.

Di Sarawak aja, urung 15 peratus ari mensia di menua tu betapi enggau penyakit tu.

Pengatur sereta pemungkal atur pengawa ‘HIV/AIDS Awareness Day’, Kennedy Anthony (tauka nama panggau iya, Kenzo Schancos) madah beserimbai enggau ‘National Asian and Pacific Islander (API) HIV/AIDS Awareness Day’ diintu ninting 19 Mei.

Iya madah, atur pengawa nya dipejalai laban deka meri penemu ngagai mensia mayuh bekaul enggau penyakit tu kelimpah ari nyeliahka peragam ti takut ke orang ti ditepan penyakit tu.

“Kemaya hari tu kitai selalu takut ke orang ti kena penyakit HIV/AIDS sereta udah nyadi ‘stigma’ ba komuniti kitai enti sema bisi dalam ruang bilik kitai ke betapi enggau penyakit tu.

“Nya alai, kimpin tu meri penemu ngagai mensia mayuh sereta nukar ulah kitai ke pasif ba pesakit HIV/AIDS kelimpah ari ngajar nembiak betatika rampa pengawa rama ngelingi sida iya,” ku Kennedy lebuh dikerandau pengudah  bejadika atur pengawa nya.

Iya madah atur pengawa nya mega kena ngumpul belanja ke Gerempung Sarawak AIDS Concern Soceity (SACS) ke bekerejasama enggau Palan Berubat Timberland Medical Centre, Kenzo Schancos, OurYouth.my, Plaza Merdeka enggau Info Zone EraFm.

“Tuju iya madah sereta meri penemu ngagai mensia mayuh pasal pemerat HIV/AIDS.

“Nitihka statistik ke taun 2013, pemayuh lelaki enggau indu di menua tu ke kena HIV/AIDS bisi dalam 15 peratus. Kitai agi kurang penemu nyaga diri empu ari HIV. Nya alai, nembiak orang ke berat dalam menua ke mansang, lalu sida iya patut nemu pemerat penyakit tu,” ku iya.

Kelimpah ari penemu ngagai mensia mayuh pasal pemerat HIV/AIDS, atur pengawa ke belabuh ari pukul 12.30 tengahari nyentuk 5:30 lemai, aktiviti bukai ke bisi digaga iya nya, meri darah, meri pemeri ke kelai HIV enggau bejual T-shirt kelimpah ari pengawa pemerindang ari Adi Hamiz (finalis Mentor) enggai finalis Spotlight, enggau diperindang Ila Damia enggau DJ Ari Izzad enggau raban ari Filipina.

Sama bisi nguluka atur pengawa nya kemari, pemesai ari OurYouth.my ti mega Presiden Gerempung Sarawak Lawn Tennis, Dato’ Patrick Liew.

Advertisement