Anda di sini

Peranak rumah panjai Raeh nerima bantu ari Innerwheel

Advertisement

KUCHING: Kelab Innerwheel Kuching bisi nyuaka bantu ngagai peranak rumah panjai Raeh, Serian ti tinggang penusah angus apin lama ke udah.

Bantu ke diberi, iya nya gari ke dianjung sereta diberi mensia mayuh, nengah kelab nya dipenggi ngagai peranak menua ti dituntung penusah nya.

Rumah Panjai Kampung Raeh angus kena 4 April tu tadi, ngujungka urung 26 ruang bilik di rumah panjai nya nadai endur diau.

Api nya mega nganguska semua padi ke baru diketau.

Maya penusah nya nyadi, sida ke bisi meda api nya berengkah urung pukul 3.20 lemai lalu nyerarai ngagai semua 18 pintu rumah panjai nya dalam berapa minit aja.

Presiden kelab nya, Jacqueline Lian Labang madah: “Kami sebengkah Gerempung Ukai Dikuasa Perintah (NGO) ngambi peluang tu mantu komuniti ke kena tinggang penusah, ngambika ulih ngelempungka mimit penusah sida,” ku Jacqueline.

Advertisement