Anda di sini

Indu bansa Iban diperansang ngubah runding

Advertisement

Dikarang Rengenyan Labang //

Sida patut ngemansangka ekonomi ruang bilik nengah kerembai pengawa betenun, beranyam

KUCHING: Kitai, lebih agi indu bansa Iban patut ngubah kuing runding sereta pendiau diri nengah mayuh macham pengawa ekonomi nyengkaum bidang pengelandik ti ulih mantu ngenyungkak penatai pemisi ruang bilik.

Chairperson Sarakup Indu Dayak Sarawak (SIDS) Datuk Sri Empiang Jabu madah, kitai Iban ngembuan mayuh produk pengelandik jari asal baka betenun enggau beranyam.

Iya madah, kitai Iban patut bechuntoka raban bansa Melayu ti chakah dalam pengawa dagang sereta ulih maju taja pan berengkah ari modal ti mit.

Kitai Indu Iban dipeda aku apin chakah tauka enda mayuh bansa kitai masuk pengawa dagang, nya alai aku ngansak kitai indu Iban beratka pekara tu taja pan berengkah ari pun, ku iya.

“Ubah meh runding enggau pendiau kitai indu Iban ngambi tetitihka singkang baru ke tau meri penyungkak ba penatai pemisi.

“Kitai indu Iban patut bechunto ke raban bansa Melayu, sida ngaga kek lapis ngena puku ke mit lalu bejual ba tisi jalai ba kedai ti mit tang diatu sida nya mayuh udah maju sereta untung besai.

“Lalu kitai Iban bisi bemban ke tau dianyam nyadi tikai tauka macham barang bukai ti tau dikemansang sereta ulih dijual ngena chara besai. Nambahka nya betenun, bejait, begaga ke barang pengelandik jari ari leka marik, semua nya ulih nyungkak penatai pemisi diri,” ku iya.

Empiang ti mega chairperson Iban Women Charitable Trust (IWCT) mansutka pekara nya lebuh bejadika licha ‘Understanding Goods and Services Tax (GST) and Its Implication’ ti diatur SIDS Pampang Kuching begulai engggau IWCT ba sebengkah hotel ditu, kemari.

Taja pia ku iya pekara pelajar anak mega patut dikemerat ti ulih mantu ngubah penatai pemisi ruang bilik jemah ila.

Licha nya kemari digulu kaban ari 24 pampang SIDS sereta Sarawak sereta kaban ari 54 Unit pampang Kuching.

Pengelicha ke dikanggau meri penerang pasal GST nya kemari Seniors Assistant Director of Custom II, Noelle Lily Ronald Morse.

Maya licha nya Noelle bejuraika pasal chukai di Malaysia, chukai barang enggau servis (GST), kebuah GST dipejalaika, Model GST Malaysia sereta Pemanah GST ke Rayat.

Bela bisi ngulu pengerami nya kemari, Sapit Chairperson SIDS Datin Catherine Gramong, Chairperson SIDS Monica Sita Gaik, Sekretari SIDS ti mega Penyanding Penemu SIDS Pampang Kuching Datin Senorita Linang enggau ke bukai.

Advertisement