SIBU: Peranak menua ke nguan Taman Grand Height ditu, dipinta datai ngulu pengawa meresa darah kena 18 Mei tu ba Huui Kee Enterprise.
Rambai jaku program tu iya nya ‘A Healthy Grand Height’ diatur Bahagian Wanita Persatuan Komuniti Taman Grand Height.
Kelimpah meresa darah enda bebayar, komiti mega bisi ngatur pengawa meresa peninggi darah enggau tikas kolestrol.
Program deka belabuh ari pukul 7.30 pagi nyentuk pukul 10.00 pagi.
Taja baka nya, program tu semina tebuka ngagai nembiak beumur 12 taun ke atas aja lalu sapa ke bisi ati dipinta ngerijista ngena kad pengelala ti pukul 7.30 pagi.
Pemutus peresa darah sida ke enggau program tu tau diambi ba endur ke sebaka kena 25 Mei tu pukul 8.00 pagi.
Penerang silik tau ditanya ari Chairman Bahagian Wanita Persatuan Komuniti Taman Grand Height Tiong Chong Ting nengah lumur 019-8590037, Kong Leh Yung (012-8872966) tauka Chia Shu Kiong (016-8630160).