Anda di sini

Kemansangka pelajar anak kitai, ku Anyie

Advertisement

Apai indai patut chakah ngansing anak besekula kena napi pemar pengidup jemah ila

BARAM: Kaban Parlimen Baram Anyie Ngau mujur nemuai ngagai Rumah Julian Lipa, Sungai Laong, Bakong, Baram kena 18 April tu tadi.

Taja penatai iya ngenyit tang peranak rumah panjai tetap ngelaluka penatai iya enggau pengaga laban pengari rayat ba menua sida udah mandangka diri bisi pengibuh ba rayat.

Maya berandau enggau bala dia, iya ngansak rayat rumah panjai nya chakah agi nyengulaka anak nyerumba ubah pengidup kemaya hari tu.

“Semina penyulut ba pelajar aja ulih ngubah sereta nyungkak tikas pengidup enggau ruang bilik diri.

“Berindik ari nya, apai indai anang mantul nyengulaka anak kita besemekih enggau orang bukai ti udah mansang ba pekara pelajar enggau pengidup,” pia ku iya madah.

Awak sehari nya mega dikena Anyie berandau sereta mendingka penanggul ke bisi ditapi rayat dia.

Nambahka nya iya beambi awak bejalai ngabas gaya enggau pemansang ke bisi dipeda ba rumah panjai nya.

Advertisement