SRI AMAN: Seraban 30 iku ari Gerempung Jururawat Masyarakat Sarawak (PJMS) Pampang Sri Aman, Pusat Dalam Komuniti (PDK), Sri Aman enggau Gerempung Bulan Sabit Merah Malaysia (PBSMM) Pampang Sri Aman udah begempung ngemujurka Program Beripai Meresi Kandang opis PDK Sri Aman enggau PBSMM pampang Sri Aman ditu pagi ensana.
Direktor Sepital Sri Aman, Dr. Hayati Ja’afar lebuh ke bejaku pandak maya program nya madahka atur pengawa manah kena ngiri penemu ngagai mensia mayuh ba kandang menua nya ngambi seruran ngemeratka pemeresi kandang pendiau sida.
“Pemeri sebengkah pekara ke pemadu begvuna dalam pegidup besesehari kitai. Enti sema kandang pendiau kitai kamah, mayuh bengkah penyakit deka datai ari nya,” pia ku iya.
Ku iya, program beripai ke diatur nengah chara begempung nya mega deka diatur ninting taun ngambika rayat Malaysia ngemeranka jalai pengidup bepengerai.
Bela bisi nyaup ngemujurka program nya, chairman PJMS Sri Aman, Wiss Jurea, chairman PBSMM Pampang Sri Aman, Mas Mashore Maslem, chairman PDK, Rohani Sahari enggau Mandal chairman PBSMM, Paul Lu.