SIMUNJAN: Polis diatu agi nasat puncha pemati seiku nembiak indu ke dipechaya dipenyati laban bisi dipeda bebadi ba pemalu enggau lengan mansa.
Kepala Polis Pelilih Simunjan, DSP Choo Yin Kok madahka mansa umur enam taun nya disah ninggalka dunya sejurus datai di Hospital Simunjan Hari Empat tu tadi.
Nundaku iya, asil tasat tumu ke dipejalaika nemu mansa diau enggau ibu enggau aya nya bebadi balat di pemalu kelimpah ari abi gigit ba lengan mansa.
“Keba nya, kami udah ngetan seiku saspek iya nya aya mansa umur 46 taun ke gawa nyadi Pembantu Am Rendah (PAR) sekula ngambika mantu tasat.
“Saspek deka diriman di mua D.O. Simunjan pagi tu (kemari) lalu seraban bala forensik ari Indu Opis Polis Kontinjen (IPK) mega deka datai di tempat penyadi bejalaika tasat,” ku Choo.
Ku iya baru proses buntastasat ba bangkai mansa deka digaga di Hospital Besai Sarawak (HUS) sehari tu.
Ku penerang mansa diau enggau ibu enggau aya di Kampung Sageng, ditu besekula dalam kelas Pra-sekolah di Sekolah Kebangsaan (SK) Sageng.
Ya nambah, mansa enda diau enggau indai ke ngadaka iya laban gawa lalu diau di pasar Serian.