SIBU: Menteri Wang II ti mega Kaban Kunsil Nengeri (ADUN) Bawang Assan Dato Sri Wong Soon Koh mujur nyuaka bantu RM22,000 ngagai peranak rumah panjai Adin Jawa, Sungai Engkalat ke dituntung penusah angus empai lama ke udah.
Dulu ari nya, maya ngabas penusah ke nuntung peranak rumah panjai nya, Wong kala besemaya deka meri RM1,000 sepintu.
Bantu tu dikena nyaup sida serumah ngentak rumah baru.
Berebak enggau tu mega, Chairman Opis Kaunsil Pelilih Mit Pesisir Sibu (SRDC) Datuk Tiong Thai King bela bisi nyuaka bantu RM10,000.
Pengawa tu dikemata Sekretari Politik Kepala Menteri Andrew Shilling enggau Pau Kiew Chuang sereta Pemancha Stanley Geramong, Penghulu Jeffry Sut enggau bala bukai.