SIBU: Speaker Kunsil Nengeri (DUN) Datuk Amar Mohd Asfia Awang Nassar bela datai nyuaka bantu ngelempungka penusah angus ti nuntung Rumah Adin Jawa, Sungai Engkalat ditu, kemari.
Iya disempulang Kaban Kunsil Nengeri (ADUN) Jemoreng ti mega Sekretari Politik Kepala Menteri Abu Seman Jahwie datai ngelawa bala rumah panjai nya lalu nyuaka bantu cek RM10,000 ari DUN Sarawak.
Tuai Rumah Adin ngarika sida serumah nyambut pemeri nya ba tembawai angus sida.
Bela bisi datai maya ngelamataka pengawa tu iya nya Sekretari Politik Kepala Menteri Andrew Shilling Bangit, Pemancha Stanley Gramong, Penghulu James Semilan enggau Penghulu Jeffrey Sut.
Kelimpah ari nya, Asfia ti mega disempulang Pemesai Pekara Khas (JASA) Zon Sibu/Mukah Awang Julaihi Awang Ali Borhan ngena awak tu meda kediri tembawai angus rumah panjai nya lalu berandau enggau bala dia.