Anda di sini

Memorandum udah dikenatai ngagai perintah

Advertisement

Penyekut sereta kes bebadi suah nyadi semanjai Jalai Batu 10 ngagai 15 tang penanggul nya enda teputar

KUCHING: Tajapan projek ngemanah jalai Kuching-Serian udah tembu ba taun 2005, jalai ari Batu 10 nuju Batu 15 mengkang seiti alur nyentuk diatu.

Betaun ke udah, mayuh gerempung ti ngarika komuniti sereta gerempung bukai udah ngenataika sebana bekaul enggau penyekut jalai nya ke alai sekeda udah nganjung memorandum , ukai semina ngagai perintah nengeri tang mega nuju perintah besai.

Sebengkah gerempung ke udah ngenataika sebana iya nya Gerempung Pengangkut Luri betuaika presiden Jong Foh Jit ti madah mensia mayuh udah bejalaika tanggungpengawa ke patut dikereja, lalu pengawa dilempai ngagai ejensi ke bekaul ngemutar penanggul nya.

“Jalai Kuching-Serian Road udah dikemanah nyadi jalai dua alur betaun ke udah, tang jalai sepemanjai Batu 10 nuju Batu 15 mengkang baka dulu suba. Kitai udah nganjung memorandum sereta surat ngagai perintah besai.

“Kitai lalu bedau nerima timbal ari ijinsi ke bekaul tang bisi ninga berita dia sida kurang belanja dikena mutarka penanggul. Enti deka ngemanah jalai tu, pengawa patut berengkah ari Batu 6 nyentuk ngagai Batu 15 lalu ukai berengkah ari Batu 10.

“Parit ba sepemanjai jalai ari Batu 6 nuju Batu 8 patut diperatika baru ke alai ba sepemanjai jalai nya kitai suah meda penusah belantak nyadi,’ku iya lebuh dikerandau kemari.

Jong madah tebal agi mensia ke nengah jalai nya enda lantang ati nempuh penyekut ke nyadi ninting hari ba sepemanjai jalai nya.

Iya mega madah, penusah majak bebalut pengudah Kuching Sentral tembu digaga.

“Sepemanjai jalai dedat enggau entukar tiap pagi ke alai penusah belantak suah nyadi lebih agi ba jalai ti besemak enggau kem soldadu,’ku iya.

Direktor Opis Kerejaraya (JKR) Zuraimi Sabki enda ulih diikerandau maya ke diatu ketegal bejalaika pengawa ba luar lalu disadang pulai Hari Lima tu.

Advertisement