Anda di sini

Edmund: Penemuai ketuai raban bansa Iban ke Parlimen Malaysia meri peneleba seraya belajar

Advertisement

SRI AMAN: Seraban 35 iku bala ketuai raban bansa ari sitak Kunsil Nengeri (DUN) Balai Ringin udah nemuai Seraya Belajar ngagai Parlimen Malaysia di Kuala Lumpur apin lama ke udah.

Penemuai ngelama tiga hari nya betuaika  dua orang Pemesai Khas Kaban Parlimen Sri Aman, Edmund Pirang enggau Abah Ugi.

Lebuh ke betemu enggau pengarang berita Edmund madahka,ngelama tiga hari di Kuala Lumpur, raban nya mega bisi nemuai ngagai  Parlimen Malaysia seraya meda aum nya enggau mata sida empu.

“ Raban nya mega bisi betemu enggau Kaban Parlimen Sri Aman, Masir Kujat, Ahli Kaban Lubok Antu, William Nyalau Badak enggau Kaban Parlimen Ulu Rajang, Wilson Uggak Kumbong.

“ Nengah awak nya mega sida lalu betemu enggau Sapit Ketuai Dewan Negara, Senator Datuk Doris Sophia Brodie enggau Menteri ba Opis Menteri Besai, Datuk Joseph Entulu Blaun,” ku iya.

Ku iya baru, dudi ila sida merambu deka ngatur program nya begulai enggau bala ketuai raban bansa sitak DUN Bukit Begunan enggau Simanggang,” ku iya.

Advertisement