MIRI: Peranak Genturung Pendiau (GP) 1Malaysia, Pujut Padang Kerbau, Miri minta Opis Parit enggau Tali Ai (DID) ngemanahka jematan kayu ke nyadi penyambung ngagai genturung pendiau nya.
Ku Chairman JKKK genturung pendiau nya Jimbun Lambul, 54, penyambut ba jematan nya udah patah lalu jematan nya tau rubuh sebarang maya.
“ Kami minta DID ngemanah tauka ngaga engkelebat, laban semina nya aja jalai ke ditengah tama ngagai genturung pendiau nya,“ ku Jimbun.
Ku Jimbun, peranak menua nya berasai irau ati laban penyambut jematan nya udah patah sereta tau rubuh sebarang maya laban mayuh kerita engagu perengka pengangkut bukai ke betengahka perengkguna nya ninting hari.
Pemesai ari opis DID tau datai kitu meresa jematan nya. Peranak menua tu mega deka minta sida ngaga jematan nya ngena kayu ke kering agi baka kayu tebelian, ku iya.
Aku arapka jematan nya ulih diseleti enggau lengkas, laban mayuh perengka pengangkut betengahka jematan nya ninting hari nyengkaum perengka pengangkut ke berat, ku iya.