Anda di sini

Perkhemahan Bersepadu Antara Unit Beruniform meri peneleba chara idup dalam kampung

Advertisement

NEMPA PENELEBA: Bala nembiak maya program neresa kampung.

SIBU: Sekolah Menengah Kebangsaan (SMK) Luar Bandar No.1 Sibu udah mujur ngatur Perkhemahan Bersepadu Antara Unit Beruniform kena 21 ngagai 24 Mac tu tadi.

Program tu digulu 145 iku nembiak ari raban uniform sekula nya baka Persatuan Kadet Bersatu Malaysia (PKBM), Kadet Remaja Sekolah (KRS), Kadet Polis, Kadet Pertahanan Awam (KAPA), Kadet Bomba, Kadet Pengakap, Pandu Puteri enggau Bulan Sabit Merah Malaysia (BSSM).

Program tu sebengkah ari pengawa ninting taun sekula nya ti ngembuan tuju deka ngerekaika ulah rindu bekerejasama, tan ati kelimpah deka meri peneleba ngagai nembiak chara idup dalam kampung.

Sekeda ari pengawa ke bisi diatur maya tu baka neresa kampung, ‘Sessi Burung Hantu’, ‘Tali-Temali’, ‘Ikhtiar Hidup’, ‘Pandu Arah’, ‘Pintu Gerbang’, ‘Gadjet’, ‘Masakan Ala Rimba’, enggau mantaika tanda asal.

Ba pemutus semua pekit maya program tu mandangka KRS mujur bulih gelar champian lalu ditangkan Pengakap enggau Pandu Puteri ba penuduk lumur tiga.LANDIK: Seiti ari ‘Pintu Gerbang’ ke digaga maya pekit.

Advertisement