KANOWIT: Komiti KRT Emperan Langsat Muhibbah Kanowit udah mujur ngatur pengawa beripai meresi Taman Muhibbah, kena 28 enggau 29 Mac tu tadi.
Pengawa beripai dua hari berunggu tu diatur begulai Opis Kunsil Pelilih Kanowit.
Pemesai Opis Penyerakup Bansa Sibu, Susan Bennet maya bejadika program nya madah, pengawa beripai baka tu ukai semina ngemeratka pemeresi kandang pendiau tang mega ulih nyintal kaul enggau pangan diri.
Kelimpah ari nya, ku iya, program tu mega patut diatur belama dikena ngemunaska igi penyakit ke dibai nyamuk.
Chairman KRT Emperan Langsat Kaunsilor Encharang Jackie maya tu mega meri besai terima kasih ngagai KDC laban udah nyaup ngemujurka program sehari nya.
Bela bisi datai maya tu iya nya pemesai KDS Liam Entili enggau Chairman Komiti Pengelikun enggau Pemansang Genturung Pendiau (JKKK) Kampung Muhibbah Kipli Rapin.