KUCHING: Majlis Perbandaran Padawan (MPP) netapka kandang endur ke dikuasa kunsil nya dibagi ngagai 33 bagi menua ke alai tiap bagi dikemata seiku kaunsilor.
Atur tu mega netapka chairman Lo Khere Chiang megai tanggungpengawa ngemata tiga kandang endur iya nya Jalai Bau Tondong, genturung pendiau ngelingi Emart enggau Jalai Batu 2 ½ sereta 8 ½ .
Bagi bukai iya nya Senah enggau Tebia (Edward Kurik – 0168674175), Belimbing enggau Jalai Link (Zainuddin Morshidi – 019 8761336), Braang enggau Hulu Bengoh (Wadel Boyod – 0138184550), Sapug enggau Sungei Serin (Michael Chin Apau – 0198781739), Teng Bukap enggau Penyewa (Damien Rejek – 0138251127), Sitang enggau Mambong (Ahkim Sarok – 0178978737), Bratan enggau Bawang (Munded Banat – 0138021721), Bunuk enggau Biperoh (Isabell Julau Mejat – 0198498413), Beratok, Tapah enggau Duranda Emas (Lee Sin Fah – 0178556666), Siburan Biatah enggau Menjau (Vincent Richard Rindas – 0168840164) lalu Siburan Cina (Kon Thiam Sen – 0198584176).
Kandang endur bukai, Kota Padawan enggau Jalai Landeh Cina (Allen Hii Lee Mee – 0168600228), Jalai Kuap enggau sepiak kiba Jalai Kuching Serian (Sehat Sanub – 0138302388), Jalai Puncak Borneo enggau sepiak kanan Jalai Kuching Serian (Sebastian Sakoi Senyau – 0138420927), Jalai Arang nuju Pasar Sg. Maong (Wilfred Yap Yau Sin – 0198887688), Batu 5 Jalai Penrissen nuju simpang Jalai Arang (Yeo Eng Kuang – 0168896918), Jalai Batu Kitang, Jalai Stephen Yong enggau Jalai Haji Baki (Udin Ali – 0198899494), Kota Sentosa (Fong Jiew Ted – 013 8098376), Jalai Batu Kawa Matang (Lai Chien Wei – 0128557833), Jalai Field Force enggau Taman Kwong Tiong (Chai Sheau Lin – 0198762126) lalu Desa Wira sereta kandang endur ngelingi (Li Tze Min – 0178061810).
Bandar Baru Batu Kawa (Bong Joon Hin – 0198896186), genturung pendiau belakang MJC nyentuk Stisin Petronas (Albert Tanon – 0198584979), genturung pendiau Sg Maong nyentuk ngagai Jalai Kangking (Teo Tiong Aik – 0128999333), Jalai Stapok nuju Batu 3 (Richard Kian Hua Mudeh – 013 8103688), Taman Matang Jaya (Hilary Giang Ngelambong – 0168784497), Taman Suria Jaya (Dr Zaiedi Suhaili – 0198866016), Taman Malihah enggau genturung pendiau besemak (Kamaruddin Su’aut – 0138074539), Jalai Sg. Tengah (Jong Nyong Khoon – 0198571539) lalu Jalai Sg. Cina, Kpg Telaga Air sereta genturung pendiau seberai Pending (Rabian Kipli – 0198597108).
Berindik enggau nya, Lo madah inisiatif nya dikearap deka ngangkat sistem servis kunsil ngagai peranak Kota Padawan.
“Nengah inisiatif tu, MPP deka mudah agi ngereja pengawa ba tiap kandang endur.
“Enti bisi penanggul enggau penusah, rayat semina ngenataika pekara nya ngagai sida ke udah diberi tanggungpengawa,” ku iya.
Kaunsilor deka mai pekara nya ba aum ninting bulan ke diadu kunsil, diperati lalu diputar, tandu iya pengudah ngulu aum ninting bulan MPP ditu, apin lama ke udah.
Bela datai, Pemangku Sekretari MPP Elizabeth Loh enggau Pemantu Sekretari Ng Siang Wei.
Bejurai panjai, Lo madahka tiap iku patut numbuhka komiti diri lalu nya tau ngerapatka kaul begulai enggau rayat.
“Nengah bantu Komiti tu, deka mudah agi teulihka timbal ari semua peranak ke dikuasa iya,”ku iya.
Kandang endur ke dikuasa MPP ngembuan penyampau peranak manggai ba 350,000 iku.