KUCHING: Karnival nembiak ‘MeetUpKch’ ke diatur dua hari di Le’Park ditu disambut manah bala nembiak ari mayuh bengkah penatai pendiau .
Pengerami nya dipenyadika pemungkal OurYouth.my Datuk Patrick Liew.
Karnival tu nyadika sebengkah penepan ungkup bala nembiak nguna maya lepa sida enggau betuku lebih agi maya ujung minggu nengah masuk dalam program pengerai, bejualka produk tengkebang diri kelimpah ari bekelala enggau diri sama diri.
Karnival ke diatur Hand Above Crown (HAC) lalu disukung OurYouth.my enggau Conquerors Vision Sdn Bhd dibuka ngagai mensia mayuh lalu masuk nya enda bebayar.
Kelimpah nya mega sida bepeluang masuk pekit futsal beperaiska duit tunai, mega bisi diatur dia.
Berebak enggau nya, pasar tugung ke dibuka dia meri awak ngagai nembiak maruk diri dalam dunya dagang bejualka baju getah gaga diri, aksesoris nyentuk ke rengka pemakai.
Le’Park, sebedau tu dikumbai Pusat Rekreasi Bersepadu Kuching (KIRC), kena March 2011 olih Serakup Lawn Tenis Sarawak ke asal iya nya tempat paking kerita Dewan Suarah Kuching.
Kenyau ari nya palan tu udah nyadi tuan rumah mayuh bengkah aktiviti rama enggau korporat sekeda nya Nite Run enggau Colour Rush dikena ngerak mensia mayuh bekaul enggau pemesai guna nyaga pengerai nengah ativiti rekreasyen sambil bejalaika pengawa pengasih.