Anda di sini

Pengari rayat ke baru dikearap ulih nandu program pemansang

Advertisement

MUKAH: Rayat ditu pechaya pengari rayat ti mujur dipilih maya Pengawa Bepilih Mit (PRK) Kunsil Nengeri Balingian ulih nandu program pemansang ba DUN Balingian.

Lunyie Chiang ari Rumah Sipok, Simpang Bayan Ulu di Mukah maya dikerandau pengarang berita madah, menua tu mengkang randaka pemansang kelebih agi ba rumah panjai.

“Kami udah meda pengeransing seiku-seiku chalun maya bekimpin ba sebelah rumah panjai.

“Ari nya kami nemu sapa bagi ke patut dipilih nyadi pengari rayat ngemujurka pemansang ditu,” ku iya madah sepenembu ngundi ba palan muai undi di Rumah Penghulu Iju, Sungai Temesu ditu, kemari.

Taja pan baka nya, ku iya, rayat enda meda ari chara seiku-seiku chalun bekimpin aja.

“Ketegal tu aku baka rayat bukai ngarapka pengeransing bekimpin tu ulih ditunda maya udah mujur nyadi pengari rayat aja.

“Anang datai maya bekimpin aja tang udah tembu bepilih sida (chalun) lalu nadai dipeda agi,” ku tandu iya.

Lunyie mega madahka iya pechaya sida serumah milih chalun ti endang bisi penau nyadi pengari rayat maya PRK tu.

Kebuah pia ku iya laban sida nangika diri tinggal pemansang ari menua bukai.

Advertisement