Anda di sini

Serenih REP dikena matak pemulai peranak menua bepengelandik ari menua tasik

Advertisement

KUCHING: Menteri ba Opis Menteri Besai Dato’ Sri Abdul Wahid Omar kemari madah, pansik baru deka dipejalai kena ngemanahka Program Pemulai Pengelandik (REP) ungkup peranak menua tu ari menua tasik.

Nitih surat ke dianjung ngagai Bilik Berita kemari, iya deka nyengkaum atur nyeliah mayar chukai kerita ke dipansik baru ari dua buah kerita ke digaga di menua tu alai komponen kerita nya diimport ari menua pengeluar (CKD) ngagai sebuah kerita ke digaga di menua tu ngena CKD tauka kerita import penuh ke udah tembu dipasang di menua pengeluar (CBU) ke tiap REP ti dikemendar, nitihka penyampau chukai ke enda ibuh dibayar urung RM150,000.

Iya mega madahka tikas pemendar ke diberi ngagai REP nya nitihka pemerat ekonomi menua.

Pansik baru tu deka dikena ba atas semua peminta ke udah digaga enggau silik ke diterima udah 15 April 2014.

“Kami patut beratika REP digaga enggau naka pemuntang ngambi ulih ngemuntangka pemulai raban profesyenal Malaysia ke bepengelandik sereta nyadi pemerat menua ngangkatka Program Transformasyen Ekonomi (ETP).

“Reti nya, kitai begunaka insentif REP ke betul, laban nya pemerat modal mensia ke diguna kitai,” ku Abdul Wahid ti mega kaban Lembaga Pemegang Amanah TalentCorp.

Penerang nya dipadah maya aum media pengudah Aum Ninting Bulan komiti REP di Parlimen, kemari.

Ungkup kena meli kerita ti enda ibuh dibayar chukai nyadi chara kena ngemuntangka pemulai profesyenal Malaysia ari menua luar, ke ngambi kira iya rayat Malaysia di menua luar mayuh gawa di menua ke enda ibuh mayar chukai kerita sida.

Ke diatu, atur nyeliah mayar chukai semina diberi ngagai dua buah kerita ke digaga CKD di menua nya.

Baruh pansik baru nya, seiku-seiku orang ke minta REP ke mujur semina tau minta nyeliah mayar chukai ba sebuah kerita digaga dimenua nya (CKD) tauka sebuah kerita import penuh (CBU), nitihka atur nyeliah mayar chukai ke pengabis mayuh urung RM150,000.

Atur nyeliah mayar chukai ba kerita import CBU diberi ngambka rayat Malaysia ke bisi ati mai pulai kerita ke diempu sida diatu.

Perintah mega udah mutuska deka ngemanahka agi penau REP ngambika silik agi lalu ngambi kira, ukai semina pengelandik enggau penemu sida iya gawa di menua luar tang mega peneleba sida iya gawa di Malaysia (sebedau gawa di menua luar), gaji ke di ulih sida iya maya gawa di menua luar, enggau peneleba sereta pakar ke relevan ngagai sektor ekonomi ke berat tauka pemerat begunaka pengelandik baka tu ba sektor ke kritikal.

Atur ke dikena dalam mansik peminta REP nitihka penau (ijazah sarjana muda, sarjana tauka Kedoktoran) enggau berapa taun peneleba ke diulih udah gawa di menua luar.

Atur penyampau taun peneleba gawa di menua luar chara efektif dikena ba dua pekara: keterubah, nyadi proksi, penanggul mulaika diri ke Malaysia lalu kedua, proksi ungkup pengelandik seseiku orang.

Taja pan di menua luar lebih mandangka sida iya pedis deka pulai, tang iya terang endar enda chukup nyadi proksi ba pengelandik.

Atur ke dipansik baru deka nyadi atur ke tetap kena nimbang pekara tu ulih komiti REP ke ngena peminta REP bekaul enggau faktor kualitatif kena nimbang peminta nya enti iya berat ke ekonomi menua.

REP diberi kelala dalam taun 2001 kena ngemutarka pemerat pengelandik di Malaysia ke majak nambah enggau chara ngemuntangka agi pemulai profesyenal Malaysia ke bepeneleba ari menua luar.

Rayat Malaysia ke udah pulai nengah REP, iya nya sida ari raban profesyenal enggau pakar teknikal Suite-C bepangkat tinggi kelebih agi dalam sektor Minyak, Gas & Energi, Servis Wang, Pemadah enggau Teknologi Komunikasyen (ICT), Pengerai enggau Servis Orang Dagang.

Sida ke deka nemu penerang tu enggau silik agi, tau ngelawa REP enggau inisiatif TalentCorp ke bukai, www.talentcorp.com.my.

Advertisement