Anda di sini

Pengawa nyuaka 1,800 baucher BR1M di Marudi mujur dipejalai

Advertisement

BELURU: Lebih 1,800 iku peranak menua di Marudi ditu udah nerima Bantu Rayat 1Malaysia (BR1M) 3.0 ti disuaka Menteri Muda Perengkaguna Mensia Mayuh (Penyambung Ai), Datuk Sylvester Entri Muran empai lama ke udah.

Ku Entri, bantu nya kena mantu raban ke ditagit, nengah program rasionalisasi sabsidi perintah kena ngurangka belanja ke dipenyati.

Bisi 9,322 iti baucher ungkup penerima BR1M3.0 di pelilih Marudi enggau sitak Telang Usan, lalu ke bukai nya disimpan terus ngagai akaun bank sida.

Bisi mega peminta nya mengkang diserenih Opis Asil Dalam Nengeri (LHDN).

Bisi 5,350 baucher BR1M dikeluarka ba renggat keterubah lalu laluh nya 3,972 deka diagih nengah chara berenggat nitihka raban.

Sama bisi dia maya nya, DO Marudi, Mackos Sibon.

Pengawa nyuaka BR1M3.0 di Marudi nya udah dipejalai enggau mujur sereta teratur nengah saup ari kaban Kunsil Nengeri (DUN) Marudi enggau Opis Pelilih Marudi sereta bala Tuai Rumah ke ngatur bala penerima ari Tinjar, Teru enggau Bakong.

Advertisement