Anda di sini

Kaunsilor dilalau bekerejasama, chakah nyaup ngemansangka menua

Advertisement

KANOWIT: Bisi 30 iku kaunsilor baru bagi Opis Kunsil Pelilih Kanowit (MDK) Besumpah Mangku Pengawa ba Opis MDK ditu, apin lama.

Dikena ngepunka pengawa sehari nya, Ibrahim Kipli dulu agi Besumpah Mangku Pengawa nyadi Chairman MDK lalu ditangkan Kaunsilor Benjamin Angki Kaboy nyadi Sapit MDK.

Nangkan seduai, 30 iku ke bukai Besumpah Mangku Pengawa nyadi Kaunsilor MDK nyengkaum kaunsilor lama ke dichiri megai pengawa nya baru bagi renggat Januari 2014 nyentuk ke Disember 2015.

Kaunsilor MDK baru tu iya nya Dang Enjat, Luang Baring, Tarang Manja, Chua Sabai, Leong Khing Hee@ Liong Khing Hee, Fong Kin Yau, Catherine Umping Empaling, Encharang Lik@ Encharang Jackie, James Nyegang, Lembat Atau, Te Guan Boon, Yii Sing Tong, Bunut Kubu, Charlie Salang, Bunsu Ingkong, Nily Babai, Nuing Tau enggau Lim Lee Tiang.

Nangkan ke sida iya nya kaunslior Ngindang Limbai, John Agong, Stephen Chendang, Ngindang Intai, Brian Langit, Wong Soon Peng, Gerut Ekum, Grunsin Kunding, Lakun Laga, Lazarus James, Entili Tuah enggau Liong Mee Liang.

Pengawa nya dikemataka Menteri Muda Dagang Temuai enggau Pemansang Tanah Datuk Gramong Juna.

Bela bisi datai maya tu iya nya Kaban Kunsil Nengeri (ADUN) Ngemah Alexander Vincent, Sekretari Politik Kepala Menteri Maurice Giri, Chairman MDK Ibrahim Kipli enggau sapit iya Kaunsilor Benjamin Angki sereta bala ke bukai.

Ba jaku iya, Gramong ngelalau kaunsilor ke baru dipilih serak tu ulih gawa begulai enggau pangan diri sereta chakah nyaup pemansang perintah.

Nambahka nya ku iya ti mega ADUN Machan, kaunsilor patut ngembuan ulah ti manah nyengkaum nyeliahka diri ari ke ngelaban perintah ngambika tau nyadika chuan ba rayat ke bukai.

Advertisement