Anda di sini

‘18th & 19th SKA All Breeds Championship Dog Show 2014’ mujur matak 62 penyereta

Advertisement

MAYUH PENYERETA: Pengawa nya matak mayuh penyereta ari serata nengeri.

LANDIK AMAT: Seiku uduk dipeda diias enggau naka penyiru sebedau bepekit.

SIBU: Atur pengawa ‘18th & 19th SKA All Breeds Championship Dog Show 2014’ udah matak penyampau 62 iku uduk bansa ‘pedigree’ ari serata negeri.

Bansa pedigree ke bisi enggau masuk pekit nya nyengkaum ‘Beagle, Bichon Frise, Dachsund, Chow Chow, Collie, English Bulldog, German Shepherd, Golden Retriever, Miniature Schnauzer, Miniature Pinscher, Pembroke Welsh Corgi, Pug, Rottweiler, Rough Collie, Samoyed, Shetland Sheepdog, Siberian Husky enggau Toy Poodle’.

Pengawa nya diatur Serakup Kennel Sarawak (SKA) lalu diakim dua iku akim antarabansa iya nya Mr. Jester Jo Ong Chuan ari Filipina enggau Mr. Sam Tsang Hon Ping ari Hong Kong.

Atur pengawa ‘18th & 19th SKA All Breeds Championship Dog Show 2014’ dipenyadika Temuai Dipebasa, Mandal Chairman Opis Kaunsil Sibu, Dato’ Andrew Wong Kee Yew.

Chairman SKA Chapter Sibu, Dr. Koh Ung Keong mega bisi datai.

Kerejasama enggau pengepuh raban komiti, raban serakup enggau bala masuk pekit nya udah negapka pemansang SKA di menua tu empu enggau mega antarabansa.

SAYAU: Seiku tuan ke ngempu uduk ngerendut uduk dikesayau.

DIPENYADI: Andrew (dua kanan ) enggau Dr. Koh (kiba jauh) enggau dua iku hakim ke diundang, Mr. Jester (dua kiba ) enggau Mr. Sam ngerat riben kelai bejadika pengawa nya.

Advertisement