SRI AMAN: Opis Pelilih Mit Pantu udah mujur ngatur Program Beripai enggau Program Jiwa Murni meresi kandang opis nya apin lama ke udah.
Urung 20 iku raban opis nya begulai enggau peranak menua dia gulu program ti dipenyadika Edmund Pirang, ngarika Masir Kujat.
Lebuh bejaku maya bejadika pengerami nya, ulah orang besai tuai ke begempung lebuh ke ngereja pengawa beripai nya patut mega diterenak ba raban nembiak.
“Perintah amat ngalaluka gerempung tauka ejensi ngatur sebarang program di nengeri tu ke malut raban nya ngambika ulah deka begempung nya enda lesap ngapa”, pia ku iya.
Sama bisi ngulu program nya, DO Sri Aman, Ismawie Salleh, Dua iku SAO ari Opis Pelilih Sri Aman, Azmi Morshidi enggau Hendry Kran, Pengulu Entika enggau bala bukai.