PADAWAN: Berindik ari insiden bilun Malaysia Airlines, Boeing 777-200ER, ke ngena lumur penerebai MH370 berangkat ari Penyangkai Bilun Antarabansa Kuala Lumpur nuju Beijing, China ke lenyau maya penerebai nya (datai ke jam tu lalu bedau temu), kena dinihari, Hari Enam tu tadi, lalu penusah nya mega beserimbai enggau pengerichah Taun Nemuai ke Malaysia 2014 (TMM 2014) dijangka deka meri impak ngagai Opis Menteri Dagang Temuai baik nya ba renggat Perintah Besai tauka nengeri.
Menteri Dagang Temuai Sarawak, Datuk Amar Abang Johari Tun Openg lebuh dikerandau pengudah nutup atur pengawa eTeam Building 2014, Ministry of Housingf di Borneo Highlands Resort kemari (BHR) bekaul enggau penusah nya enti sema iya deka meri impak ngagai pengawa dagang temuai menua tu, ku iya:
gTaja pan kitai semua ditinggang penusah nya (ke diatu), aku pan enda nemu bakani deka nimbal kebuah utai tu nyadi.
gTang taja pia, enti kitai deka madah orang enda berani terebai ngena bilun agi, tang enti kitai berunding, nasit bebadi tau nyadi ba sebarang endur, ba jalai alun kini tauka di rumah,h ku iya.
Taja pia, beserimbai enggau atur pengawa antarabansa ke bisi bekaul enggau penerebai bilun eRoutes Asia 2014f ke belabuh ari kemari ngagai 11 March diatur di Kuching (Palan Konvensyen Borneo Kuching tauka BCCK), entara pekara ke dijangka deka dipejurai, iya nya impak ari penusah ke nyadi diatu.
gPekara nya deka dipasuk dalam jaku aku nyengkaum jurai kami maya aum besai tu ila,h ku Abang Johari.