SRI AMAN: Bisi 5,151 iku peranak di sitak Parlimen Sri Aman ke bepenatai pemisi kurang ari RM3,000, RM4,000, orang tuai enggau orang bedau beruang bilik bisi nerima Bantu Rakyat 1 Malaysia (BR1M) 3.0 ungkup renggat keterubah bedau lama ke udah.
Kaban Parlimen Sri Aman, Masir Kujat madahka, penerima bantu nya ungkup renggat keterubah ke ari tiga sitak DUN nya Simanggang, Bukit Begunan enggau Balai Ringin.
Ku iya nengah Bajet taun tu bisi sebengkah tambah ari ke udah nya sekali tu dikelapung Insuran Takaful Berkelompok Rakyat 1Malaysia atau i-BR1M lalu timpuh lindung nya berengkah ari 1 Januari nyentuk ke 31 Disember taun tu.
Takaful i-BR1M, RM50 deka diberi ngagai penerima ungkup kategori isi rumah aja lalu rega lindung nya nyentuk ngagai RM30,000 nyema nyadi pemati tauka nadai daya ketegal bebadi, tambah iya.
Bela datai, Residen Sri Aman, Jonathan Lugoh, DO Sri Aman, Ismawie Salleh sereta bala ketuai opis perintah ke bukai.