KUALA LUMPUR: Penerebai Malaysia Airlines dalam pejalai ngagai Beijing ke lenyau kemari betuaika Kapten Zaharie Ahmad Shah, 53, ku ketuai Pemesai Eksekutif Gerup MAS Ahmad Jauhari Yahya.
Zaharie keterubah iya masuk MAS dalam taun 1981 lalu ngembuan peneleba terebai 18,365 jam, ku iya bejaku ngagai pemberita.
Ahmad Jauhari mega bejaku madahka pembantu pilot penerebai MH370 nya Fariq Ab Hamid, 27.
Fariq bepeneleba terebai 2,763 jam lalu nyereta MAS dalam taun 2007, ku iya.
Bilun Boeing 777-200 ke lenyau nya udah penuai iya 11 taun 10 bulan, ku Ahmad Jauhari.
Bilun nya bekejang ari Kuala Lumpur kena 12.41 pagi lalu ditagaka sangkai di Padang Bilun Antarabansa Beijing jam 6.30 pagi (jam Beijing). Iya mai 227 iku penumpang, dua iku nya anak mit enggau 12 iku kru. — Bernama