Anda di sini

Jematan Sageng nguntungka peranak Gedong, Simunjan

Advertisement

BANTU PERINTAH: Naroden ngerandau seiku perima BR1M 3.0 ba Atur Pengawa Nyerah BR1M 3.0 ungkup DUN N.21 Simunjan di Dewan Mesra Majlis Pelilih Simunjan, ensana.

SIMUNJAN: Jematan Sageng ke digaga ngena ungkus RM40 juta ke deka tembu digaga bulan Julai taun tu deka meri penguntung ngagai kira-kira 7,000 peranak Gedong enggau 10,000 iku peranak Simunjan, ku Kaban Kunsil Negeri (ADUN) Simunjan Datuk Mohd Naroden Majais.

“Projek Jematan Gedong enggau jalai alun ke udah tembu lalu kededua projek nya digaga ngena ungkus RM80 juta.

“Tembu jematan tu ila, nya deka nyadika semua projek dua jematan enggau jalai alun berega RM120 juta.

“Ukai semina nya aja, pejalai ari Gedong ngagai Simunjan ulih dipintas enggau semina nyauh 18 kilometer enti dibanding 150 kilometer nengah jalai besai ari Serian,” ku iya lebuh ke dikerandau bekaul pengawa begagaka jematan nya ensana.

Dulu ari nya iya bisi ngulu Atur Pengawa Nyerah BR1M 3.0 ungkup DUN N.21 Simunjan di Dewan Mesra Majlis Pelilih Simunjan ke alai bisi 3,787 iku penerima ari 62 kampung dalam Pelilih Simunjan penyampau kira-kira RM2 juta ungkup renggat kesatu ditu.

Advertisement