SIBU: Markas 9 Briged begulai enggau Bank Darah Sepital Sibu udah mujur ngatur kimpin meri darah ba Star Mega Mall ditu, kemari.
Kimpin nya diatur beserimbai enggau hari Ngintu Penumbuh Soldadu Darat ti Ke-81.
Panglima 9 Briged, Brigedier Jeneral Muhammad Daniel @ Damien Abdullah dipebasa bejadika kimpin nya.
Tuju kimpin tu iya nya deka nyaup Bank Darah Sepital Sibu ngumpul darah.
Kimpin nya berengkah ari pukul 9 pagi lalu digulu urung 200 iku raban soldadu nyengkaum raban ari opis perintah enggau mensia ke bukai.
Bela bisi datai ngulu kimpin tu iya nya Temenggong Datuk Wan Hamid Edruce Tuanku Mohammad, bini Daniel Rasidah Hashim sereta bala pengari opis perintah ke bukai.