KUCHING: Indu dara Bidayuh ke bisi ati deka masuk pekit indu bajik, tau ngerijista diri ba pekit ‘Dayung Sangon’.
Pekit nya keterubah endar deka diatur Serakup Bansa Dayak Bidayuh (DBNA) beserimbai enggau pengerami Gawai Dayak taun tu.
Chairman pengatur pekit, Dr Benedict Poris madah, bala penyereta enda tau enda nengah raun ke terubah endar ti deka diatur kena 26 April, lalu final deka diatur kena 10 Mei ba dewan mayuhguna DBNA, Jalai Kumpang, Off Jalai Ong Tiang Swee ditu.
Penerang ke silik tau ditanya ari Kendy Edward nengah lumur 019-8185807/010-9820257 tauka Annie Teresa John (013-8166790).
Pom dikena masuk pekit nya patut dianjung kena tauka sebedau 14 April, 2014 ngagai Pengerusi Penganjur, Pertandingan Dayung Sangon 2014, d/a Ibu Pejabat Persatuan Kebangsaan Dayak Bidayuh (DBNA), Jalan Kumpang, Off Jalan Ong Tiang Swee, 93712 Kuching. — Bernama