API BEPUN ARI TU: Bilik dapur rumah panjai sembilan pintu Rh Unchin Anak Demong di Sg Bejait, Kanowit pengudah ke angus kena 27 Februari 2014.
KUCHING: Kaban Kunsil Nengeri (ADUN) Ngemah, Alexander Vincent udah nyuaka RM25,000 Bantu Projek Pemansang Menua Pesisir (MRP) ngagai Komiti Pemansang enggau Pengelikun Genturung Pendiau (JKKK) Rh Unchin Anak Demong, Sg Bejait Kanowit.
Penyampau nya, dikena JKKK melanja sekeda pengawa nyeruri rumah panjai sembilan pintu enggau ungkus ngerata taba rumah pengudah rumah panjai sida ke angus pagi 27 Februari taun tu tadi .
Alexander dipadahka sida redak dia, api nyadi ari injin api ke rusak lalu ngelekai ngagai bilik dapur rumah panjai nya.
“Aku udah ngagihka RM25,000 maya ngelawa rumah panjai Rh Unchin Anak Demong kena 2 March tu tadi,” ku iya lebuh ke dikerandau kemari .
Alexander madahka TR Unchin nya menyadi ex-ADUN Ngemah Gabriet Adit Demong. Adit betanding ngelaban Alexander ba dua bengkah pengawa bepilih besai di Ngemah. Adit menang dalam taun 2006 seraya Alexander menang dalam taun 2011.
TR Unchin nerima geran penyampau RM25,000 ari iya kena Hari Minggu tu tadi.