NGAJIH SEMUA MUJUR: Adenan
betabi enggau mandal presiden PRS Datuk Joseph Salang seraya dikemata Masing (kanan) engau Jabu (kiba).
KUCHING: Raban Kaunsil Tinggi Parti Rakyat Sarawak (PRS) nemuai meri basa ngagai Kepala Menteri Tan Sri Adenan di ringkat 22 Wisma Bapa Malaysia ditu, kemari.
Diuluka presiden Tan Sri Dr James Masing, penemuai nya bela digulu sapit iya Datuk Joseph Entulu Belaun sereta raban menteri, ADUN enggau MP PRS bukai.
Raban nembiak PRS bela nyempulang penemuai nya.
Dulu ari nya, Adenan nerima penemuai raban kaunsil tinggi Parti Pesaka Bumiputera Bersatu (PBB) ti diulukan sapit presiden Datuk Patinggi Tan Sri Alfred Jabu urung pukul 2 lemai.
Raban kaunsil tinggi Parti Sa’ati Rayat Sarawak (SUPP) enggau Parti Demokratik Progresif Sarawak (SPDP) disadang ngatur penemuai ke sama ngagai Adenan kena 4 enggau 6 March tu.
Sebedau nerima penemuai raban kaunsil tinggi PBB, Adenan keterubah iya pengudah mangku pengawa kepala menteri tama ngagai opis rasmi kepala menteri ba ringkat ke sama di Wisma Bapa Malaysia.
HARI KETERUBAH: Adenan nyain penerang ba hari keterubah tama ngagai opis rasmi iya di Wisma Bapa Malaysia ditu seraya dikemataka bini iya Pn Sri Jamillah Anu (kiba).
PENEMUAI MERI BASA: Raban kaunsil tinggi Parti Rakyat Bersatu (PRS) nemuai meri basa ngagai Kepala Menteri di Wisma Bapa Malaysia, ditu kemari.