Anda di sini

Penggi, tanah puang ke enda dikemansang

Advertisement

PEDARA: Mong (tengah) nguluka semua pemesai ba pengawa miring ngambika semua peminta tau dikemujur magang. Bela bisi ayan dia, (ari kiba) Dr Ali, Mauh, Michael dan Robert Nanta.

Ari nya, peranak menua ditu ulih ngemansangka tanah nya endur pengawa betanam betupi: Mauh

SIBU: Kaban Kunsil Nengeri (ADUN) Tamin Datuk Joseph Mauh Ikeh minta perintah ngemendarka peminta nguna tanah ke enda dikena ngatur sebarang pemansang ngambika dipenggi ngagai peranak Kampung Sibintek endur ngemansangka pengawa betanam betupi.

Ku iya, peminta nya besai amat reti ngambika peranak menua dia bejalaika projek nanam sawit enggau getah ba tanah nya.

“Peminta nya patut dikemendar ngambika ulih endur nanam sawit enggau getah ke tau nyaup nyungkak tikas sosioekonomi peranak menua ditu.

“Aku arapka perintah ngemendarka peminta peranak Kampung Sibintek ke minta tanah nya,” ku iya madah ba pengerami bejadika Projek Barisan Nasional (BN) di Kampung Sibintek, ditu.

Projek ke dipenyadika Menteri Muda Betanam Betupi (Dagang enggau Pansik) Datuk Mong Dagang nya nyengkaum ngaga balai raya Kampung Sibintek ke beungkus RM145,000 enggau jematan kayu ke beungkus RM100,000 .

Berebak enggau nya,Mauh arapka penyukung enggau Kaban Parti Rakyat Sarawak (PRS) ari kandang menua Sibintek, Pasai, Sekuau, Tamin enggau Stapang terus meri sukung ngagai BN.

“Aku arapka semua peranak menua ba kandang tu terus nyukung sapa aja chalun BN di DUN Tamin ke dipilih ketuai kaunsil parti maya Pengawa Bepilih Kunsil Nengeri (PRN) tu ila,” ku iya.

Beserimbai enggau pengerami nya, Mauh ngungkupka geran Projek Mit Pemansang Menua Pesisir (MRP) RM10,000 ngagai Komiti Pemansang enggau Pengelikun Genturung Pendiau (JKKK) Kampung Sibintek lalu RM25,000 agi ungkup Rumah Anggom.

Nengah awak nya mega, Chairman pengatur pengawa, Muda Prinching nyuaka pom nama pemilih baru enggau pom minta nyadi kaban baru PRS ngagai Mong ke mega presiden parti nya.

Sama bisi ngulu pengerami nya, Pemancha Robert Nanta, Pengulu Michael Jelani, Kaunsilor Dr Ali Puji enggau bala ketuai raban bansa bukai.

Advertisement