Anda di sini

Makai lemai Runion SMK Luar Bandar Sibu, 8 March

Advertisement

Dikarang Judan Bungap

 

SIBU: Gerempung Ex-Nembiak Sekolah Menengah Kebangsaan (SMK) Luar Bandar Sibu deka ngatur Pengerami Makai Lemai Reunion beserimbai enggau Ngintu Penumbuh Sekula Ke-50 ba Hotel Kingwood kena 8 March ti deka datai.

Chairman Komiti Pengatur Sammy Ngelambai madah, pengerami nya ila dulu agi berengkah enggau pengawa nanam pun kayu ba laman SMK Luar Bandar Sibu (SMKLBS) pagi sebedau makai lemai.

Nangkan ke nya, ku iya, komiti bisi ngatur pengawa ngentakka kelai tauka batu pengingat mandangka penumbuh ke-50 taun sekula nya.

“Pengerami makai lemai deka berengkah pukul 6.30 lemai. Pengerami tu ila deka dipenyadika Kaban Kunsil Nengeri (ADUN) Jemoreng, Abu Seman Jahwie lalu ba awak ke sama mega bejadika gerempung kitai.

“Kelimpah ari nya, ADUN Daro Murini Suhali enggau Panglima 9 Briged, Brigadier Jeneral Muhammad Daniel@Damien Abdullah ti mega ex-nembiak SMKLBS bela bisi datai ngulu pengerami,” ku iya maya aum media ditu, empai lama tu tadi.

Iya madah, maya pengerami makai lemai nya, komiti bisi nyuaka pemeri ngagai 20 iku nembiak ke udah dipilih ti patut nerima bantu.

Sammy mega madah, tuju pengerami nya diatur laban deka nyintalka agi kaul entara ex-nembiak SMKLBS.

“Ex-nembiak SMKLBS ke dikelaluka datai maya pengerami tu ila iya nya sida ke besekula ba SMKLBS kenyau ari taun 1964 nyentukka 2013,” ku iya madahka baru.

Komiti bisi nyendiaka 120 buah mija enggau rega RM450 seiti maya pengerami nya.

Tikit pengerami makai lemai tu tau dibeli ba stisin minyak Wira Jaya Enterprise, Jalai Tun Abang Haji Openg tauka betelefon ngagai Penghulu Enyang Menchol nengah lumur 019-8162847.

Kelimpah ari nya, tikit enggau penerang silik mega tau ditanya ngagai Sammy nengah lumur (013-8184540), Raphael Ampi (019-2221250), Steven Rom (013-8183855), Busang Bedindang (013-8088367), Henry Kanyan (013-8119272), William Rambong (013-8448707), Alexander Kadir (019-8882647), Yunus Hannuar (012-8886676) enggau Ling Kui Kung (019-8597793).

Advertisement