Anda di sini

Peranak Rh Suring ngatur pengawa beripai meresi kandang rumah panjai

Advertisement

BINTANGOR: Peranak Rumah Suring Sana, Sungai Tulai mujur ngatur pengawa beripai, empai lama tu tadi.

Pengawa ke diatur sehari berunggu nya nyengkaum nebas, ngelasi parit, manchit sereta mayuh pengawa ke bukai ti bekaul enggau ngintu pemeresi kandang rumah panjai nya.

Tuai Rumah Suring madah, pengawa beripai nya diatur rumah panjai sida urung sekali dalam kandang dua bulan.

Ku iya, pengawa tu dia­tur sida serumah bepun ari tuju deka ngintu pemer­esi kandang pendiau kelim­pah ngemeratka pengelikun pengerai.

“Ari tu kitai ngarapka ulih diau enggau lantang ba kandang pendiau ti beresi belama.

“Kelimpah ari nya, pen­gawa tu mega tau bendar nyantilka kaul pangan diri peranak ba rumah panjai tu,” ku iya.

Kelimpah ari meresi kan­dang pendiau, rumah panjai tu mega nyengkaum rumah panjai ke bukai suah ngatur pengawa meresi pendam urung dua tauka tiga bulan sekali.

Advertisement